Die burgemeester van die Richtersveld Munisipaliteit, Cornell Knoph, het gisteroggend saam met raadslede en gemeenskapsvennote ’n skoonmaakveldtog in wyk 5 in Alexander Bay voortgesit.

Die veldtog is bygewoon deur die Speaker van die raad, Marlene Fredericks, asook wyksraadslede Maria Obies en Noluthando Mabala. Verskeie rolspelers, insluitend wykkomiteelede, die Gemeenskapswerkprogram (CWP) en die Working for the Coast-span van die Departement van Bosbou, Visserye en die Omgewing, het ondersteuning gebied.