Inwoners van Groblershoop en omliggende dorpe het hul kommer uitgespreek oor swak reaksietye van ambulans- en nooddienste. Sommige beweer dat geliefdes gesterf het nadat hulp laat opgedaag het of glad nie gereageer het nie. Dit kom ten spyte van die Noord Kaapse Provinsiale Regering se poging verlede jaar om dienste te verbeter deur 27 nuwe ambulanse aan te koop. Gemeenskappe eis dringende ingryping om lewens te red.