Die Khâi-Ma Munisipaliteit het, in vennootskap met TNC Mining & Steinweld en Vedanta Zinc International, 'n opleidingsinisiatief vir jongmense tussen 18 en 35 jaar aangekondig.

Die program bied opleiding vir leerder- en bestuurslisensies, asook sekuriteitsopleiding met PSIRA-registrasie. Volgens die munisipaliteit is die doel om jongmense met praktiese vaardighede toe te rus en hul indiensneembaarheid te verbeter.

Belangstellendes moet die registrasiesessies in hul onderskeie dorpe bywoon en die vereiste dokumente saambring soos op die amptelike plakkaat aangedui.