Copper 360 het sy finansiële posisie aansienlik versterk, met lenings wat met 58,6% tot R304,2 miljoen gedaal het en kontant wat tot R84,4 miljoen verbeter het. Die maatskappy se volgende groot toets lê egter by die Rietberg-myn naby Nababeep. ’n Hoërgraadse ertsliggaam word na verwagting in September bereik. Copper 360 het ’n R874-miljoen-kontrak aan Cementation Africa toegeken vir ondergrondse ontwikkeling. Die sukses sal gemeet word aan ertsgraad, produksie, aanlegherwinning en uiteindelike koperuitset.