Kimberley het gister in solidariteit saamgestaan toe die Noord-Kaapse Departement van Maatskaplike Ontwikkeling die Provinsiale Oranjedag-veldtog teen Geslagsgebaseerde Geweld en Vrouemoord (GBVF) van stapel gestuur het. Die dag het ’n motorstoet, gemeenskapsmobilisering, kershou-seremonie en gesprekke oor GBVF ingesluit. Die veldtog beklemtoon dat die beëindiging van GBVF gesamentlike optrede vereis. Die Departement het ’n beroep op gemeenskappe gedoen om bewustheid te verhoog, gesprekke voort te sit en daadwerklik op te tree. Die doel is om veiliger, sterker en geweldvrye gemeenskappe te bou.