Die minister van Polisie, Bheki Cele, het bevestig dat die twee polisiebeamptes wat Dinsdag in Kimberley in die Noord-Kaap vermoor is, met hul eie wapens vermoor is. Die twee beamptes het ‘n voertuigdiefstalverdagte agternagesit toe hulle doodgeskiet is. Die polisie het intussen ‘n 38-jarige verdagte in hegtenis geneem. Hy het gister in die hof verskyn. Cele sê die verdagte is al verskeie kere vantevore in hegtenis geneem, maar is altyd deur die howe vrygelaat.