Die department van Gesondheid het ‘n tweedaagse Woman Wellness geleentheid in samewerking met Kangnas Windplaas vir vroue in die gesondheid sektor aangebied. Dit het gister begin en gaan vandag ten einde loop, wat by die Namakwa Guest Farm buite Springbok plaasvind. Daar was psigo-sosiale dienste, siftings, papsmere, meditasie, masserings en fiksheid wat aangebeid word. Rouchet Daniels van Kangnas het tydens haar toespraak laat hoor dat vroue vergeet om met hulself in kontak te kom. Die doel van die samekoms was juis ook om vroue te herinner om altyd die beste weergawes van hulself te wees. "Sonder vroue is daar geen nasie nie, en vroue dink met die hart," het mnr Daniel Grootboom, hoof van die Gesondheidsdepartement gesê. Vroue was opgewonde dat hulle kon deel uitmaak van die geleentheid en hulle hoop dat dit ‘n jaarlikse instelling sal wees. Sr. Helen Bock, het gesê dat haar kollegas lief vir mekaar moet wees, mekaar moet dra en daar vir mekaar moet wees.