Kamiesberg Munisipaliteit in samewerking met Kamiesberg Parlementêre Kantoor 503, Lid van die Parlement Me Alexandra Beukes, en die Direkteur Generaal van Taipei Skakel Kantoor in Kaapstap, Me Lily Ying-li Chen, het op Vrydag, 'n oorhandiging van naaimasjiene met materiaal aan die Community Work Program (CWP) deelnemers van Kheis en Tweerivier gedoen. Die CWP deelnemers het opleiding ontvang om die masjiene te kan behartig. Volwasse doeke is ook in ontvangs geneem en dit sal geskenk word aan die teiken groepe onder andere; die senior burgers. Me. Chen het tydens haar toespraak gevra dat hierdie masjiene gebruik moet word vir die vooruitgang van die gemeenskap en om vroue en jeugdiges te bemagtig om sodoende entrepreneurs te word.