President Cyril Ramaphosa het gister die behuisingsprojek van een miljard rand in Kimberley in die Noord-Kaap van stapel gestuur. Die president sê die fondse is verkry uit die Ontwikkelingstoelae vir Menslike Nedersettings, en deur die provinsie wat ‘n lening van die Ontwikkelingsbank van Suider-Afrika verkry het. Meer as vierduisend huise sal na verwagting as deel van die eerste fase van die projek gebou word. Dit sal na verwagting oor die volgende 12 tot 18 maande voltooi wees. Ramaphosa sê die projek is deel van die regering se plan om informele nedersettings en ongeskikte behuisingstrukture uit te roei. Hy het bygevoeg dat die werk deur plaaslike kontrakteurs gedoen sal word.