Die klas van 2024 en die klas van 2028 het 'n spesiale band by Hoërskool Namakwaland. Donderdag, 8 Februarie 2024, het die graad 12-leerders hulle Baba-Bokkies in graad 8 amptelik aangeneem as deel van 'n mentorskapprogram.  Die graad 12-leerders bied vir die graad 8- leerders ondersteuning, raad en leiding soos hulle die hoërskool ingaan. Hierdie tradisie bou bande en 'n liefde vir die skool en mede- Bokkies. “Mag die program dié jaar weer die graad 8- Bokkies help om die uitdagings en ondervings van hoërskool suksesvol aan te pak en ook die tradisie in 2028 voort te sit.”