Die Noord-Kaapse Rampbestuurskomitee doen ‘n beroep op die publiek om op hoogte te bly van weervoorspellings aangesien bykomende reën in die komende dae verwag word. Dit volg op die LUR van Maatskaplike Ontwikkeling, Nontobeko Vilakazi, se besoek aan Proteavallei waar huishoudings deur die onlangse reënval geraak is. Vilakazi het aangekondig dat kospakkies aan die plaaslike sopkombuis verskaf sal word om te verseker dat inwoners met tot twee maaltye per dag voorsien sal word totdat hulle na hul huise kan terugkeer.