Soos ons gemeenskap gereed maak vir die komende verkiesing wat gaan plaasvind op 29 Mei 2024, is dit van kardinale belang dat die gemeenskappe ingeligte besluite nem by die stembus. Om hierdie proses te help fasiliteer, gaan Radio Nfm se tweede politieke debat vanaand plaasvind in Pofadder in die Khâi Ma plaaslike munisipaliteit. Die debat is daarop gemik om waardevolle inligting te verskaf om gemeenskapslede te help om die regte keuses te maak met betrekking tot hul stem. Die primêre doel van hierdie debat is om die Namakwa- distrik se gemeenskapslede te bemagtig met die inligting wat hulle nodig het om deurdagte en ingeligte besluite te neem wanneer hulle hul stemme in die komende verkiesing uitbring. Deur verteenwoordigers van verskillende politieke partye bymekaar te bring, beoog Radio Nfm om 'n omvattende oorsig van hul platforms, beleide en visies vir die gemeenskap se toekoms te verskaf.