Die polisie in Kimberley in die Noord-Kaap het vier verdagtes vir die besit van dwelms in hegtenis geneem. Die Operasie Vala Umgodi-span het drie verdagtes in hegtenis geneem nadat hulle inligting oor dwelmverkope naby die Dingaan-hostel, ‘n perseel in Galeshewe, en in die omgewing van Barkleyweg ontvang het. Die span het toe ‘n 30-jarige man in hegtenis geneem wat tydens ‘n stop-en-deursoek-operasie van ‘n beweerde dwelmhandelaar weggery het. ‘n Polisiewoordvoerder, sersant Molefi Shemane, sê beamptes het beslag gelê op mandrax-tablette met ‘n geraamde straatwaarde van 65-duisend rand.