Die jaar word Mandeladag onder die tema; "Dit is steeds in ons hande om armoede en ongelykheid te bekamp," gevier. Die Burgemeester van die Khai Ma Munisipaliteit, Estelle Cloete en die gemeenskap het met ‘n skoonmaakveldtog afgeskop op Maandag en wat môre tot ‘n einde kom. Daar sal ook ‘n slaggat herstelprojek op Hoofweg, Blyvooruitsig op Mandeladag self plaasvind. “Ek doen 'n beroep op alle munisipale personeel om hand by te sit, en aan almal in Khâi-Ma: Kom ons verander ons houding teenoor behoeftiges. Saam kan ons 'n verskil maak!. Sluit by ons aan om ons gemeenskap te dien en 'n meer regverdige Pofadder te bou,” het Cloete gesê.