Abaqhubi beemoto banokulindela ukukhululeka okuncinci kwiimpompo zamafutha ukuqala ngoLwesithathu kule veki. ISebe leMithombo yeziMbiwa naMandla libhengeze ukuba omabini amabanga epetroli azakwehla ngeesenti ezilishumi elinesihlanu ilitha. Amaxabiso e-diesel nawo azakuhla ngeesenti ezingamashumi amabini anesibhozo kunye neshumi elinesixhenxe kwilitha nganye, kuxhomekeke kwibakala. Ukongeza, isebe liqaphele ukuba ilitha yeparafini ekhanyayo iya kuhla ngeesenti ezingamashumi amabini anesithoba kwinqanaba lentengiso.URobert Maake, ophuma kwiSebe leMithombo yeziMbiwa naMandla uthe isizathu solu hlengahlengiso yirandi eyomeleleyo xa ithelekiswa nedola yaseMelika kwixesha eliphantsi kovavanyo kunye namaxabiso e-oyile aphezulu kancinci xa kuthelekiswa nomjikelo wangaphambili. Irhafu yesileyiti ihlala inguziro kulwakhiwo lwexabiso kwipetroli nakwidizili.