INkulumbuso yaseMntla Koloni uGqirha Zamani Saul, ebambisene neBhunga loMzantsi Afrika labathweswe izidanga, kutsha nje baphehlelele malunga nezigidi ezilithoba zeerandi iprojekthi yokuqesha ulutsha ukunyusa izakhono zabafundi abalikhulu elinamashumi amahlanu, nabaphumelele izidanga kwiPhondo.Ngokophando lwekota lwabasebenzi, uMntla Koloni unezinga elingamashumi amathathu ekhulwini labantu abangaphangeliyo. Nangona kuninzi okwenziwayo ukuqinisekisa ukuba iPhondo lidala imeko evumela ukukhula koqoqosho eMntla Koloni, izinga lentswelo-ngqesho linyuke 3.7%, ukusuka 28.3% kwikota yokuqala ukuya 32% kwikota yesibini 2024.Ngeli xesha, usihlalo weCongress of the People obambeleyo uPakes Dikgetsi uthe amanani aphezulu abantu abangaphangeliyo amele “ingxaki yesizwe”.