ISebe lezeNdlela neMisebenzi yoLuntu laseMntla Koloni lithumela iinjineli ukuba zihlole iindlela kwindawo yaseHantam naseKaroo Hoogland ezonakaliswe ngenxa yemozulu embi.Othethe egameni leSebe lezeNdlela neMisebenzi yoLuntu uZandisile Luphahla, uthi uMntla Koloni unoxanduva lokugcina uthungelwano olubanzi lweekhilomitha ezingamawaka angamashumi amabini anethoba kwiindlela zegrabile.ULuphahla wongeze ngelithi, isebe lithumele iinjineli eziza kuhlola ukuba ungakanani umonakalo, ze kucwangciselwe ukulungiswa. Oku kulandela izikhukhula ezithe gqolo kwisithili ezithe zabeka uxinzelelo kuhlahlo lwabiwo-mali lwesebe, njengoko ukugcinwa rhoqo okufunekayo kuye kwanda iindleko.