Die Uitvoerende Burgemeester, raadslid Mervin Cloete, vergesel deur raadslid Claasen en lede van sy kantoor, het vandag St Anna Privaat Skool in Matjieskloof besoek.

Tydens die besoek het die burgemeester ’n motiverende boodskap aan leerders gelewer, waarin hy hulle aangemoedig het om hard te werk, hul potensiaal te benut en na uitnemendheid te streef. Dit vorm deel van die munisipaliteit se voortgesette betrokkenheid by onderwys en die bemagtiging van jongmense.