Urhulumente waseMntla Koloni uzibophelele ekuphuculeni ukunikezelwa kweenkonzo zezempilo kwiSithili saseNamakwa.

Oku kuza emva kokuba iNkulumbuso uGqr. Zamani Saul kunye noMphathiswa wezeMpilo uNontobeko Vilakazi beqinisekisile uluntu lwaseSteinkopf ukuba kuza kwenziwa imizamo yokuqinisa iinkonzo zezempilo zasekuhlaleni.

Esi sithembiso silandela iinkxalabo eziphakanyiswe ngamalungu oluntu, avakalise ngamandla imfuno yawo engxamisekileyo yee-ambulensi ezongezelelweyo.

Lo mba ugqanyiswe ngexesha lokuvulwa ngokusesikweni kweKlinikhi yoLuntu yaseSteinkopf ngurhulumente wephondo ngaphambili namhlanje.

INkulumbuso uSaul uthembise ukuqhuba ulandelelwano kwiinkxalabo eziphakanyiswe luluntu ukuqinisekisa ukuba lo mba ufumana ingqwalasela efunekayo.