Die tennisspan van Hoërskool Concordia het onlangs kragte gemeet teen Okiep Hoërskool en ’n akademiespan. Verskeie enkel- en dubbelwedstryde is gespeel, met ’n goeie balans tussen oorwinnings en nederlae. Spelers soos Asakhe Right, Ethan Joseph, Chrizane Botha en André Philander het hulself goed van hul taak gekwyt. Die skool het dank uitgespreek aan Connie Basson, Mnr. Fortuin en Clive de Jong vir hul ondersteuning.