'n Jong rugbyspeler van Hoërskool Okiep hou steeds die Namakwa-streek se naam hoog nadat Elijah van den Heever vir nóg 'n keer in die Griekwa Vroue Rugbyspan opgeneem is.

Die skool het haar prestasie geloof en gesê haar harde werk, toewyding en deursettingsvermoë op die rugbyveld dra vrugte. 

Van den Heever se prestasie kom te midde van die groeiende profiel van vrouerugby in Suid-Afrika, met meer spelers wat deur die provinsiale geledere na nasionale vlak deurbreek. Hoërskool Okiep het haar gelukgewens en vertroue uitgespreek dat sy nog groter hoogtes in die sport kan bereik.