Hoërskool Concordia se Graad 9-leerders het vandag aan ’n Wetenskap-Uur deelgeneem, wat daarop gemik is om hulle aan Wiskunde en Fisiese Wetenskappe bloot te stel. Graad 11-leerders het wetenskaplike konsepte op ’n praktiese en interessante wyse gedemonstreer en ook inligting oor vakkeuses, studiegeleenthede en loopbaanrigtings gedeel. Oud-leerders wat wetenskapverwante rigtings studeer, het deur middel van video’s hul ervarings gedeel. Die inisiatief het ten doel om belangstelling in Wiskunde en Wetenskap te bevorder en leerders te inspireer om dié vakke vir hul toekoms te oorweeg.