Die Petrusville-gemeenskap en inwoners van omliggende dorpe het tydens ’n gebedsgeleentheid saam met Noord-Kaapse Premier, dr. Zamani Saul, gebid vir oplossings vir maatskaplike uitdagings. Die plaaslike laerskoolsaal was vol met gemeentelede, regerings- en kerkleiers wat saamgekom het om te bid teen geslagsgebaseerde geweld, alkohol- en middelmisbruik. Daar is ook gebid vir goeie regeringsleierskap, vrede en padveiligheid. Die geleentheid is deur verskeie hoogwaardigheidsbekleërs bygewoon.