ISebe leMfundo esiSiseko likhankanye ngelithi lisebenzisa iProgress in International Reading Literacy Study ukuyila inkqubo entsha yokuxhobisa ngolwazi. Iziphumo zolu phando zikhutshwe kwinyanga ephelileyo kwaye zazoba umfanekiso ombi wamanqanaba okufunda nokubhala kweli loMzantsi Afrika, zidize ukuba amashumi asibhozo ananye ekhulwini kubantwana bebanga lesine kweli lizwe abasokolayo ukufunda ukuze bafumane intsingiselo. Kodwa ethetha kwindibano noonondaba ebibanjwe nguMphathiswa weMfundo esiSiseko uAngie Motshekga ePitoli, uKulula Manona wela sebe uthe le ngxelo bayisebenzisa ukuzama ukuphucula le nkqubo.