Die N7 seksie 8, ongeveer 10 km voor Vioolsdrift is gesluit weens vloede. Dit is volgens die Suid-Afrikaanse Nasionale Padagentskap. Die provinsie ervaar tans erge oorstromings en padsluitings is reeds in plek. Die padagentskap se Randall Cable sê alternatiewe roetes word waar moontlik beskikbaar gestel. Cable doen ‘n beroep op padgebruikers om by die reëls van die pad te hou.