Terwyl Radio NFM gereedmaak om hul 20ste bestaansjaar te betree, kom die nuwe era met opwindende maar tog uitdagende veranderinge en toevoegings, om NFM op internasionale vlak te laat floreer. Nfm is nou besig om nuwe sagteware en rekenaar toerusting te installeer.  Omroepers, tegnikusse en bestuurslede is alreeds vanaf Maandag besig met intense opleiding in die radio-industrie, moontlik gemaak deur SASOL. Intussen is SASOL wat met Radio Nfm 'n vennootskap gesmee het, besig om seinverspreiding van die radio te versterk en uit te brei. Sasol is tans die tweede grootste nywerheidsmaatskappy in die land en een van die grootste multinasionale maatskappye wat hulle oorsprong in Suid-Afrika het. Die maatskappy het ook n implementerings agent MINT FRESH aangestel om verskeie ander opleiding te doen in verskillende areas van Radio en uitsaai. Binnekort sal NFM deur die installering van sendersein in areas soos Richtersveld, Khai Ma en Kammiesberg, die grootste sein verspreidings oppervlakte dek in die Noordkaap.