INkulumbuso yaseMntla Koloni, uGq. Zamani Saul ekhatshwa nguMphathiswa wezeMfundo, uZolile Monakali uya kusingatha umcimbi wokunikezelwa kwesikolo samabanga aphantsi iWrenchville Primary School kunye neKhiba Middle School ngoLwesihlanu, ngomhla wesibhozo kweyoMsintsi  eKuruman.Urhulumente wephondo uthe ukuziswa kweziseko zophuhliso ezikolweni kusengumqondiso wentsebenzo obalulekileyo ekuboneleleni ngemfundo karhulumente esemgangathweni. Ngolwakhiwo lwezi zikolo zibini, uRhulumente utyale imali ekwikhulu elinamashumi amathandathu anesibhozo ezigidi zeerandi ukulungisa ingxinano kumagumbi okufundela nokutshintsha ubume besikolo obungafanelekanga.