Die DA in die Noord-Kaap is bekommerd dat die provinsiale regering versuim om behoorlik vir die impak van die nasionale finansiële krisis te beplan. Dít volg vrae wat tydens gister se huissitting van die provinsie gestel is. Die DA sê gister se reaksie bevestig dat die provinsie die begroting met 750 miljoen rand moet sny. Die DA se Fawzia Rhoda sê dit sal ‘n beduidende impak op basiese dienslewering en die vermoë van departemente om hul pligte na te kom, hê. Sy sê dit wil voorkom asof die provinsiale regering nie die werklike erns hiervan besef nie.