Die minister van Elektrisiteit, Kgosientsho Ramokgopa, sê sy prioriteit is nou om te verseker dat die uitbreiding van die nasionale netwerk met dringendheid hanteer word. Ramokgopa het gister op ‘n media-inligtingsessie aangekondig dat Eskom die land se transmissienetwerk wil verbeter. Die uitbreiding van die elektrisiteitsnetwerk vorm deel van die energie-aksieplan met die kerndoelwit om ’n einde aan beurtkrag te bring. Hy sê die Suid-Afrikaanse regering sal teen die begin van die volgende boekjaar meer as 100 miljard rand nodig hê om die uitbreiding van die nasionale netwerk te finansier.