Die Springbok-streekhof in die Noord-Kaap het ‘n 30-jarige man gister tot 20 jaar gevangenisstraf gevonnis vir die verkragting van ‘n vyfjarige meisie in 2020. Daar word berig dat die slagoffer ‘n ysstokkie by ‘n nabygeleë winkel gaan koop het en die beskuldigde op pad terug huis toe ontmoet het. Die beskuldigde, wat aan die meisie bekend was, het versoek dat sy vir hom ook ‘n ysstokkie moet koop. Met die meisie se terugkeer uit die winkel, het die man haar na ‘n nabygeleë plakkershuis geneem en haar verkrag. Ten spyte daarvan dat die beskuldigde haar twee-rand vir haar stilswye gegee het, het die slagoffer by die huis gekom en die saak by haar ma aangemeld wat dit toe aan die polisie rapporteer het. Die woordvoerder van die Nasionale Vervolgingsgesag, Mojalefa Senokoatsane, sê die beskuldigde is in hegtenis geneem en het skuldig gepleit op die aanklag van verkragting.