Die Kuruman-streekhof in die Noord-Kaap het ‘n man gister tot agt jaar direkte gevangenisstraf vir veediefstal gevonnis. Die hof het die 43-jarige Mothusiemang Isak Khubu gevonnis vir diefstal van vyf beeste. Khubu staar agt jaar direkte gevangenisstraf in die gesig met drie jaar wat vir vyf jaar opgeskort is. Die Nasionale Vervolgingsgesag se woordvoerder, Mojalefa Senokoatsane, sê die beskuldigde is ook onbevoeg verklaar om ‘n vuurwapen te besit.