President Cyril Ramaphosa het die naweek tydens sy ampsbesoek aan die COP28-beraad in Dubai gereageer op Vrydag se uitspraak deur die Pretoria Hooggeregshof oor beurtkrag. Die hof het beveel dat alle staatsinstellings soos hospitale, skole en polisiekantore minder nadelig deur beurtkrag geraak word. President Ramaphosa sê die regering beskou dit as ʼn belangrike kwessie en doen reeds alle nodige stappe om te verseker dat hierdie instellings beurtkrag beter kan bestuur. Hy sê die hofuitspraak het juis beveel wat die regering wil sien gedoen word. Hy sê die regering wil sien dat onder andere hospitale die nodige elektrisiteit het tydens fases van beurtkrag.