Die Noord-Kaap Provinsiale Gesamentlike Veiligheidsmagte (ProvJoints) is ontplooi om te verseker dat die provinsiale rede glad verloop. Die premier, Zamani Saul, gaan môre sy toespraak by die Mittah Seperepere-konvensiesentrum in Kimberley lewer. Die wetstoepassingsagentskappe het bevestig dat hulle hulpbronne gemobiliseer het om polisiesigbaarheid te verhoog om misdade voor, tydens en na die beplande geleentheid te voorkom en te bekamp. ‘n Polisiewoordvoerder, brigadier Mashay Gamieldien, sê die publiek moet alternatiewe roetes gebruik aangesien die West Circular-pad wat na die konvensiesentrum lei, van môreoggend af vir verkeer gesluit sal wees.