Die bestuurder van plaaslike ekonomiese ontwikkeling, Phetole Sithole, het van Sol Plaatje-munisipaliteit geskei nadat ’n wedersydse skeidingsooreenkoms onderteken is. Sithole het in 'n bitter dispuut gewikkel geraak nadat hy geweier het om 'n betaling van R4,2 miljoen aan 'n diensverskaffer vir terreinvestiging by die Roodepan-pompstasie te magtig aangesien 'n ander diensverskaffer reeds R2,2 miljoen vir dieselfde doel betaal is. Sithole het ook kommer uitgespreek oor die kontrakteur se belastingstatus en voldoening aan voorsieningskettingbestuursprosesse. Sake is ook verlede jaar by die Valke, Openbare Beskermer en Spesiale Ondersoekeenheid (SOE) aanhangig gemaak oor 'n tender van R25 miljoen wat aan dieselfde diensverskaffer toegeken is vir die opgradering van die Legaeng- en Eaglestraat-pompstasies in Roodepan asook 'n water en sanitasieprojek in Leratopark.