Die De Aar-streekhof in die Noord-Kaap het ‘n 24-jarige man Dinsdag tot tien jaar direkte gevangenisstraf vir verkragting gevonnis. Freddy de Bruin is in 2022 in hegtenis geneem vir die verkragting van ‘n 21-jarige vrou. Die slagoffer het geslaap toe sy besef ‘n vriend van haar kêrel verkrag haar. Sy het daarin geslaag om De Bruin van haar af te druk en ‘n saak teen hom aanhangig te maak. ‘n Polisiewoordvoerder, sersant Molefi Shemane, sê De Bruin is onbevoeg verklaar om ‘n vuurwapen te besit. Polisielede verwelkom die vonnis wat opgelê is.