Die Noord-Kaapse premier, dr. Zamani Saul, sal môre  Menseregtedagvieringe in Carnarvon lei, wat om 10vm gaan begin. 'n Woordvoerder van die kantoor van die premier, Bronwyn Thomas-Abrahams, het gesê verskeie opbou-aktiwiteite vir die geleentheid sal in die Pixley ka Seme-distrik gehou word, insluitend 'n sokker- en netbaltoernooi by die Carnarvon-stadion. Sy het bygevoeg dat 'n Menseregte-dialoog op 17 Maart by die Carnarvon Primêre Skool aangebied is. “Nasionale Boekweek-bekendstelling is op 19 Maart in Vanwyksvlei gehou.”