Twee verdagtes sal vandag in die Postmasburg-landdroshof in die Noord-Kaap verskyn op ‘n klag van handel in dwelms. Die verdagtes is Saterdag in hegtenis geneem. Die polisie het inligting ontvang oor onwettige mynbedrywighede en dwelmaktiwiteite wat in Postmasburg plaasvind. ‘n Polisiewoordvoerder, sersant Molefi Shemane, sê die polisie het beslag gelê op dwelms met ‘n geraamde straatwaarde van 17-duisend rand.