Die minister van Elektrisiteit, doktor Kgosientsho Ramokgopa, was gistermiddag in ʼn motorongeluk betrokke. Sy woordvoerder, Tskane Khambane, sê dat die minister nie ernstig beseer is nie. Die minister was in ʼn motor saam met twee beskermingsdienslede op van Noordwes na Gauteng toe die ongeluk met ‘n tweede motor gebeur. Khamnabe sê almal wat by die ongeluk betrokke was, het mediese aandag op die toneel ontvang en dit was nie nodig vir die minister om hospitaal toe te gaan nie. Hy sê verder die minister wens almal wat by die ongeluk betrokke was ʼn spoedige herstel toe.