Die Noord-Kaapse premier, Zamani Saul, het gister die nuwe Mega Entity-gebou van die Noord-Kaapse Ekonomiese Ontwikkelingsagentskap bekend gestel. Die nuwe gebou het ten doel om die provinsie se ekonomie te verbeter deur die Noord-Kaap as ‘n beleggingsbestemming te bevorder. Die premier glo goeie leierskap skep verandering en hoop dat die gebou sal dien as ‘n instrument om ekonomiese groei en nuwe werksgeleenthede te bewerkstellig. Saul het ook al die leiers bedank wat gehelp het om die gebou op te rig.