Die Khâ-Ma Munisipaliteit het gister aangekondig dat daar ‘n 24 uur wateronderbreking in die munisipaliteit gaan plaasvind. Dit is weens ‘n lekkende pyp op die water netwerk, daarom is die toevoer al vanaf gisternamiddag 17:00 af en sal vanmiddag om 17:00 eindig. Inwoners word versoek om voorsiening te maak vir die berging van water vir hierdie periode en dat water spaarsamig gebruik word. Die Munisipaliteit verseker die inwoners dat die watertoevoer so gou as moontlik herstel sal word nadat die herstelwerk voltooi is.