DRDGOLD verwag om die aanvanklike toetswerk aan verskeie uitskotdamme wat deur Copper 360 besit word rondom Okiep binne nege maande te voltooi volgens Jaco Schoeman, bedryfshoof. Hy het bygevoeg dat, indien die uitkoms positief is, dit nog 'n jaar tot 18 maande sal neem om 'n herstelprojek op die terrein te ontwikkel "afhangende van projekvloei en lisensiëring. "DRDGold het in Maart vanjaar 'n memorandum van verstandhouding (MOU) met Copper 360 onderteken om 'n omsigtigheidsondersoek uit te voer oor die maatskappy se koperuitskotdamme wat volgens Copper 360 sowat 50 miljoen tot 60 miljoen ton materiaal bevat met grade wat wissel tussen 0,18% en 1,5% koper. Volgens 'n verklaring wat deur Copper 360 uitgereik is, is die MOU wat onderteken is vir 12 maande vir 'n omsigtigheidsondersoek oor die O'Okiep-, Carolusberg-, Onder- en Bo NamaCopper-koperuitskotdamme.