Die Richtersveld Munisipaliteit se Biblioteekdienste het, in samewerking met plaaslike skole, hul jaarlikse spel- en klankkompetisie in Lekkersing afgeskop as deel van 'n groter leesbevorderingsinisiatief.

Die program sal ook in ander dorpe in die munisipale gebied aangebied word en is daarop gemik om leerders se taal-, lees- en kommunikasievaardighede te versterk.

Volgens die munisipaliteit vorm die inisiatief deel van sy verbintenis tot jeugontwikkeling, met 'n besondere fokus op die bevordering van geletterdheid en akademiese groei onder jongmense.