Die Noord-Kaapse LUR vir Samewerkende Regering, Menslike Nedersettings en Tradisionele Sake, Bentley Vass, sê die regering se belegging in behuising omskep finansiële toewysings in werklike verandering vir gemeenskappe.

Vass het eergister tydens diensleweringsinisiatiewe in die Namakwa-distriksmunisipaliteit gepraat.

Hy sê behuisingsprojekte verbeter lewens deur gesinne sekuriteit, waardigheid en geleenthede vir eienaarskap te bied.

Vass sê die voltooiing van 25 huise onder die Calvinia 200-behuisingsprojek dui op die impak van regeringsbefondsing op grondvlak.