Hoërskool S.A. van Wyk maak vanjaar geskiedenis deur sy alumni-gholftoernooi vir die eerste keer buite Suid-Afrika aan te bied. Die toernooi vind in Windhoek, Namibië, plaas en bring oudleerders, vriende en ondersteuners van regoor Suider-Afrika byeen. 'n Vriendskaplike Suid-Afrika teen Namibië-kragmeting vorm deel van die program. Die skool het sy waardering uitgespreek teenoor spelers, borge en organiseerders vir hul ondersteuning en beklemtoon dat die Rooikat-gees geen landsgrense ken nie.