Ulutsha oluthandathu oluvela kummandla kaMasipala waseRichtersveld lwamkelwe kwinkqubo yokufundela umsebenzi yeNational Rural Youth Service Corps, NARYSEC.

Ulutsha lusuke kwidolophu yalo kwiveki ephelileyo ukuya kwiprogram kwaye beluphelekwe nguSodolophu woMasipala waseRichtersveld uCornel Knoph.

Baphakathi kwamakhulu asixhenxe aqeshwayo avela kumaphondo ahlukeneyo anikezelwe kwi-4 Artillery Regiment yoMkhosi waseMzantsi Afrika ePotchefstroom, eMntla Ntshona.

ISebe loPhuhliso lwaseMaphandleni lithi abathathi-nxaxheba bolutsha baza kungena kwiNkqubo yoPhuhliso lobuNkokheli boLutsha yeeveki ezisithoba, eyinxalenye enyanzelekileyo ye-NARYSEC ejolise ekuphuhliseni iinkokeli eziselula eziqeqeshwe kakuhle, ezithanda ilizwe nezinoxanduva.

Isebe lithi le nkqubo iyinxalenye yemizamo karhulumente yokuxhobisa abantu abaselula ngezakhono namathuba anokuba negalelo kuluntu lwabo nakuphuhliso lwelizwe.