Die Noord-Kaapse Wetgewer se Speaker, Fufe Makatong, sê leierskap moet voortdurend opkomende uitdagings aanspreek. Sy het dit tydens ’n ontmoet-en-groet-sessie met werknemers gesê. Makatong het veral swak tydsbestuur en organisasiekultuur as dringende kwessies uitgelig wat dienslewering aan die gemeenskap kan benadeel. Sy het werknemers aangemoedig om in hul ontwikkeling, akademiese groei en persoonlike integriteit te belê. Makatong het onderneem om saam met personeel te werk, leiding te bied waar nodig en die integriteit van die Wetgewer te beskerm.