Meer as 180 lede is aangestel om op bestuurstrukture in gesondhiedsfasiliteite regoor die Namakwa-distrik te dien. Die induksie het gister plaasgevind by die Springbok Gasteplaas, in die Nama-Khoi plaaslike munisipaliteit en is bygewoon deur onder andere, die Noord- Kaapse LUR vir Gesondheid, mnr Maruping Lekwene, burgemeester van die Namakwa Distriksmunisipaliteit, mnr. Mervin Cloete, distriksdirekteur, mnr Grootboom asook Wyksraadslede.Die induksie en oriëntering wat deur dominee Basimane Makoko gefasiliteer is, het onder andere gefokus op die skep van bestuurstrukture wat die kommunikasiegaping tussen gesondheidsorgfasiliteite en die gemeenskappe wat hulle bedien, oorbrug. LUR Lekwene het die nuut aangestelde lede sterkte toegewens en hulle aangemoedig om die mense wat hulle aangestel het eerste te stel in die werk wat hulle doen.