Amalungu oluntu kamasipala waseRitchersveld aphelelwa yintembelo kumasipala wabo xa besiza kunikezelo lweenkonzo. Oku kulandela umba wengxaki yamanzi nalapho isisombululo sihleli emoyeni ngelixa uluntu lunxanelwe amanzi ukwenza iimfuno zabo ezingundoqo.Ngokohlaziyo lwakutsha nje umasipala alubhale kumakhasi onxibelelwano, amanzi ngoku angena kwidama laseMuisvlak. Nangona kunjalo, umgangatho wedama usephantsi kakhulu kwaye ngoko ke amanzi akasayi kufika kuluntu lwasePort Nolloth. Iimpompo zisavaliwe okwangoku kwaye kucingelwa ukuba zingavulwa namhlanje, 19 kweyeKhala.