Gift of the Givers in samewerking met Namakwa Distrik Munisipaliteit en Sport, Kuns en Kultuur het gister Kuboes besoek en die hele gemeenskap van ‘n geskenk voorsien. Die geskenk was om voedselhulp aan die gemeenskap van Sandrift te verskaf. Kuboes het 230 pakkies en Sandrift 240 pakkies ontvang wat moontlik gemaak was deur die drie rolspelers. Die gemeenskappe in die Richtersveld is ewig dankbaar en bewys altyd hul dankbaarheid en liefde met nama sang. Die Plaaslike Wyksraadslid Marlene Lientjie Fredericks het die, skenking van Gift of the Givers, Absa en die Departement van Sport, Kuns en Kultuur verwelkom.