Umphathiswa wamaPolisa uBheki Cele kulindeleke ukuba atyelele iintsapho zamapolisa amabini aseMntla Koloni abulewe ngoLwesibini ngumrhanelwa onxulumene neveni ebiweyo eKimberley. uConstable Okaetse Mandindi oneminyaka engamashumi amathathu anesihlanu ubudala kunye noSajini uKedimetse Masilo oneminyaka engamashumi amane anesihlanu ubudala bebengamalungu eKimberley Flying Squad. Izolo badutyulwe xa bebekhangela isithuthi ekusolwa ukuba besibiwe. USjini Masilo ungene kule nkonzo ngo-2007 kwaye wayekwinkonzo yeminyaka elishumi elinesithandathu ngethuba ebhubha logama uConstable Mandindi wangena kule nkonzo ngo-2012 nalapho wayegqibe iminyaka elishumi elinanye esweleka. UNjengele Masemola uthi lo mbutho uzakuqinisekisa ukuba ubulungisa bukhona kwiintsapho zabo, izihlobo kunye noogxa babo. Umrhanelwa kulindeleke ukuba avele phambi kweNkundla kaMantyi eKimberley ngoLwesine, umhla 24 kweyeThupha 2023 ngamatyala aliqela aquka amatyala amabini okubulala.